Bertsoak - Fitxa ikusi Atal honi buruz gehiago jakiteko
2007-10-28 Zumaia Txapelketa [Bertsoa] / Aitor Sarriegi
2007-10-28 Zumaia Txapelketa [Bertsoa] / Aitor Sarriegi
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Ume-umetatik txirrindulari
izateko asmoz nintzen;
aisa ikasi nuen triziklo
moratu hartan ibiltzen.
Gerora ohitu egin ninduten
lore ta dominak biltzen
baina gaur ez nau oharrak baino
gehiago ezertxok mintzen;
txirrindulari traizionatu bat
besterik ez naiz sentitzen. (bis)
Ze erreza den helmuga heldu
eta bi besoak altxa
nahiz ta jendeak sarritan hartu
guztiari tranpa antza.
Zuzendariak talde honetan
urte asko daramatza.
Entzun ezazu mediku jauna
entzun babesle aberatsa:
zuen jokuan sartzea izan da
nik egin dudan akatsa. (bis)
Guztiei kasu egin nizuen
behin honaino iritsita
ta orain ia izan dezaket
auzitegi baten zita
aurrera segi nahi baituzue
ni bazterrean utzita.
Dezepzionatu egin nauzue
ta nago guztiz etsita;
gure kirola garbitu behar da
baina goi-goitik hasita. (bis)
Datu-base honetan eskainitako informazioari buruz jakiteko, kontsultatu lege oharra