BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-10-27 Eibar Txapelketa

Gai-emailea

Aizpuru, Egoitz

Bertsolariak / Egileak

Oiartzabal, Arkaitz "Xamoa"

Zelaia, Iñaki

Lana

Binaka gaia-emanda

Jarritako gaia

Zu, Arkaitz, anaia bisitatzera zoaz Argentinara. Hegazkinera sartzera zoazela Iñaki guardiak esan dizu zahato betea ezin duzula hegazkinera sartu.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-10-27 Eibar Txapelketa [Bertsoa] / Arkaitz Oiartzabal "Xamoa", Iñaki Zelaia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Oiartzabal: Enbarkatu behar nuen
berehalakoan
baina guardia honek
jarri nau altoan.
Zahatoarena arazo
ote da gaurkoan?
Eraman niezaioke
neronen zahatoan.(bis)

I. Zelaia: Ikusi ta esan diot
nik "Alto mutiko!
eta konponbidea
dezu zeurekiko:
zahatoa tragotikan
hustu eta kito!
Biajerako ez zaizu
gaizki etorriko!" (bis)

A. Oiartzabal: Mesede egiten al du?
Ez da ba izango!
Baina hori nahi dezunik
ez nuke esango;
zahatoa nahi badezu
hartu zazu ondo
baino ardorik behintzat
ez dizut emango (bis)

I. Zelaia: Hori ez jasotzeak
ez dit emango poz
araua neri jarri
didate apropos;
nazkatuta gaude gu
botila ta zahatoz
gainera terrorista
lurraldetik zatoz (bis)

A. Oiartzabal: Bale, bale hau ez dut
nik eramango ba;
zuk zeuk gorde zaidazu
egigun aproba;
ardoaren mesede
degunez denbora
etortzen naizenian
hobia egongo da (bis)

I. Zelaia: Ni lanian ari naiz
legiaren alde;
zu berriz hemen zaude
oso lotsagabe;
gaur egun istripuak
nun nahitan badaude
itzuliko zerala
seguru al zaude? (bis)