BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-09-22 Orio Txapelketa

Gai-emailea

Zaldua, Ion

Bertsolariak / Egileak

Alberdi, Oskar

Alustiza, Iker

Lana

Binaka gaia-emanda

Jarritako gaia

Zuek, Iker eta Oskar, urteak daramatzazue egunero elkarrekin txikiteoan. Gaur, zur eta lur utzi zaitu Oskarrek, Iker. Mosto nahi duela esan dizu.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-09-22 Orio Txapelketa [Bertsoa] / Oskar Alberdi, Iker Alustiza

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Alustiza: Neri mosto atera
al zaizu inportik?
Orain adarra jotzen
zabiltza gogotik;
horrelako sustorik
ez nuen hartu nik
elkartean andreak
sartu ziranetik. (bis)

O. Alberdi: Orain mosto atera
gero igual ura;
era hortan nerekin
zuk ez egin duda;
puntu hontan jartzen det
edanaren muga:
analisitan ardo
gehitxo azaldu da. (bis)

I. Alustiza: Analisiek beraz
hamaika abisu.
Sendagilea jainko
edo degu maisu...
Bera lehengo astean
ezagutu dezu
ta ni txikitatikan
ezagutzen nauzu. (bis)

O. Alberdi: Gu ezagutzen gera
besteik ez zan falta!
Gu beti tabernetan
tipi eta tapa
meikuak jarri zidan
ja hiltzeko data
bizitza estimatu
egin behar da-ta. (bis)

I. Alustiza: Medikuek beldurtzen
horrenbeste truko;
ardoa utzi izana
zaizu damutuko:
hiltzeko data eman
ta ezin egin uko
ta mostoak ez dizu
datarik kenduko. (bis)

O. Alberdi: Ardoa da bizia
ta mosto motela
eta ardoak dauka
tripa hortan hotela;
zuk ardoa ta mosto
hor eskatu bela
ah hori bai ta zure kontu
joan daitezela! (bis)