Bertsos - View details   To know more about this section

2007-09-22 Orio Txapelketa [Bertsoa] / Oskar Alberdi, Iker Alustiza

General information

Kategoria
Bat-batekoa
Periodical Performance (Saioarena)
Gipuzkoako Bertsolari Txapelketa (8. 2007)
Performance
2007-09-22 Orio Txapelketa
Gai-emailea
Zaldua, Ion
Bertsolaris / Authors
Alberdi, Oskar
Alustiza, Iker
Exercise
Binaka gaia-emanda
Proposed topic
Zuek, Iker eta Oskar, urteak daramatzazue egunero elkarrekin txikiteoan. Gaur, zur eta lur utzi zaitu Oskarrek, Iker. Mosto nahi duela esan dizu.

Description

Melody
Dama gazte xarmant bat
Stanza name
Zortziko txikia (hg) / Lau puntuko txikia (ip)

Localization

Localization
XDZ - Xenpelar Dokumentazio Zentroa
Collection / Fond / Project
Txapelketetako Bilduma

2007-09-22 Orio Txapelketa [Bertsoa] / Oskar Alberdi, Iker Alustiza

Stanza name:  Zortziko txikia (hg) / Lau puntuko txikia (ip) 
Localization:  XDZ - Xenpelar Dokumentazio Zentroa 

I. Alustiza: Neri mosto atera
al zaizu inportik?
Orain adarra jotzen
zabiltza gogotik;
horrelako sustorik
ez nuen hartu nik
elkartean andreak
sartu ziranetik. (bis)

O. Alberdi: Orain mosto atera
gero igual ura;
era hortan nerekin
zuk ez egin duda;
puntu hontan jartzen det
edanaren muga:
analisitan ardo
gehitxo azaldu da. (bis)

I. Alustiza: Analisiek beraz
hamaika abisu.
Sendagilea jainko
edo degu maisu...
Bera lehengo astean
ezagutu dezu
ta ni txikitatikan
ezagutzen nauzu. (bis)

O. Alberdi: Gu ezagutzen gera
besteik ez zan falta!
Gu beti tabernetan
tipi eta tapa
meikuak jarri zidan
ja hiltzeko data
bizitza estimatu
egin behar da-ta. (bis)

I. Alustiza: Medikuek beldurtzen
horrenbeste truko;
ardoa utzi izana
zaizu damutuko:
hiltzeko data eman
ta ezin egin uko
ta mostoak ez dizu
datarik kenduko. (bis)

O. Alberdi: Ardoa da bizia
ta mosto motela
eta ardoak dauka
tripa hortan hotela;
zuk ardoa ta mosto
hor eskatu bela
ah hori bai ta zure kontu
joan daitezela! (bis)