BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-09-23 Hernani Txapelketa

Gai-emailea

Jauregi, Saroi

Bertsolariak / Egileak

Agirre Goia, Unai

Mujika, Manex

Lana

Binaka gaia-emanda

Jarritako gaia

Zu, Unai, erizaina zara, eta suhiltzaile-parkera joan zara hango langileei odol-analisiak egitera. Manex suhiltzailea da hurrengoa, eta txuri-txuri sartu da.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-09-23 Hernani Txapelketa [Bertsoa] / Unai Agirre Goia, Manex Mujika

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

U. Agirre: Sugarretan sarturik
gorputz eta zango
lantegi latzenari
dio erasango.
Ausarta ez zeranik
ez dizut esango;
orratzai beldurrikan
ez diozu izango? (bis)

M. Mujika: Odol analisiak
aurtenguan guri
ta gaur hementxe nago
dena zuri-zuri;
barka zazu andrea
ai jeringa hori
bonberuen mangera
haundina dirudi. (bis)

U. Agirre: Nik xiringa atera
ta danba erantzun!
Zertarako nahi dedan
ez didazu entzun;
zuri-zuri egina
ez korde ez zentzun...
odola nahi det baina
ez dakit badezun. (bis)

M. Mujika: Oso harriturikan
laguna naukazu
odola ateratzera
etorri zera zu;
ez dedala izango
ziur nago aizu
jeringa hori odolez
betetzen badezu. (bis)

U. Agirre: Pentsatu behar zendun
hoi esaterako
jeringa neurtu det
nik gaur hasterako;
honek sute haundi bat
balu aukerako
etxeko katua're
ez luke aterako. (bis)

M. Mujika: Hauxe da egoera
ez da maravilla;
jeringak ipini nau
triste ta umila.
Katu bat omen dago
han nunbaiten hila
ta presa daukat eta
banoa haren bila. (bis)