BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-10-20 Azkoitia Txapelketa

Gai-emailea

Usarralde, Inaxio

Bertsolariak / Egileak

Gurrutxaga, Iñaki

Munduate, Joxe

Lana

Binaka gaia-emanda

Jarritako gaia

Zuri, Iñaki, kanpoan bizi den osaba Joxe etorri zitzaizun bisitan etxera. Hilabete darama zuen etxean, eta oraingoz ez du alde egiteko itxurarik.

Deskribapena

Doinua

Praixku Galtzazarreta A

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-10-20 Azkoitia Txapelketa [Bertsoa] / Iñaki Gurrutxaga, Joxe Munduate

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Gurrutxaga: Orain hilabete bat
lasai-lasai geunden;
trena hartu ta osaba
azaldu zan hemen.
Eta osaba akordatu
ezazu lehenbailehen
bueltako billetea
non sartu zenuen?

J. Munduate: Amerika aldetik
heldu naiz ihesi;
billetearen galdez
ez zaitea hasi;
hemen ederki nago
pentsatu det kasi
eta billeterikan
ez nuen erosi.

I. Gurrutxaga: Kontu eske hasita
jarri zera larri
Amerikan hainbeste
kontu harrigarri...
Gezurretan zabiltza
eta nik igerri;
handik hona ezin da
trenean etorri.

J. Munduate: Orain akordatu naiz
karanba, karanba!
Tartean pateran bat
igual izan da;
hemen jan izan ditut
txuleta ta ganba...
nola aldegingo det
hain ondo izanda?

I. Gurrutxaga: Ta gainera ez dakizu
gaur nundik atera
horko txuleta, ganba
ta horko patera!
Trenean mantso-mantso
zentozen etxera...
abiadura haundian
bueltatuko zera!

J. Munduate: Goiko ileak ere
jarri dizkit tente
noiz juan behar dudan
dio derrepente.
Adizu zu iloba
gaur lasaitu zaite
ala osaba zaharra
ez al dezu maite?