BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-10-06 Errenteria Txapelketa

Gai-emailea

Elizasu, Unai

Bertsolariak / Egileak

Aiertza, Mikel

Ansa, Ion

Lana

Binaka gaia-emanda

Jarritako gaia

Parrandan zabiltzate biok. Gau guztian makina bat pertsona hurbildu zaizkizue ligatu asmoz. Migel Anjel nazkatu da. Ionek, ordea, parrandan jarraitu nahi du.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-10-06 Errenteria Txapelketa [Bertsoa] / Mikel Aiertza, Ion Ansa

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Ansa: Ligatzen pasa degu
guk gaurko eguna
zergatikan aldegin
behar dezu laguna?
Bata maitea nuen
bestea kuttuna
baina guztientzako
daukat maitasuna. (bis)

M.A. Aiertza: Mari Karmen ta Koro
bikote hurbila
eta Idoia ere
etorri dadila;
maitasuna denentzat
a ze iskanbila!
Hoiek juxtu ez datoz
maitasunan bila. (bis)

I. Ansa: Horiek zer nahi duten
zu ba al dakizu?
Neskak etorri eta
jarri zera izu;
Miren ta Ane ere
begira dauzkazu
bitatik gustokona
aukera ezazu. (bis)

M.A. Aiertza: Beraz luzatzen dabil
gaur gure zerrenda
bat, bi, hiru, lau, bost, sei
azkenean zenba;
neri ez zait gustatzen
erreza den prenda
gehiago saiatua
gehio estimatzen da. (bis)

I. Ansa: Hemen ez dago askorik
saiatu beharrikan
eta errexa bada
ez zait inportikan;
juan zaitez etxera
ihesi korrikan
gero egongo zera
nere inbiditan. (bis)

M.A. Aiertza: Oraintxe hitz eginda
gerora dantzatu
ta gero zerbeza bat
beraiekin hartu;
etxera nihoa bai
barkatu, barkatu
esan beharrik ez dago
Ion asko ligatu. (bis)