BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-12-16 Donostia Txapelketa

Gai-emailea

Jauregi, Saroi

Bertsolariak / Egileak

Agirre Goia, Unai

Gaztelumendi, Beñat

Lana

Binaka gaia-emanda

Jarritako gaia

Farmazialaria zara, Beñat. Guardian zaudela, Unai etorri zaizu, goizeko bostetan, kondoi eske.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-12-16 Donostia Txapelketa [Bertsoa] / Unai Agirre Goia, Beñat Gaztelumendi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

B. Gaztelumendi: Silloian esertzea
nuenez mesede
amets egitea nun
gaueroko lege;
ta kondoi bila zatoz
orain alafede!
Ni bezela ametsetan
al zeunden zu ere?

U. Agirre: Hara! Bilatua det
farmazi edo denda;
goizeko ordu txikitan
hain gustoko prenda...
Gaua zer dan dakizu
isil zaitez benga!
Gutxina uste danean
ordun tokatzen da. (bis)

B. Gaztelumendi: Bai zu ikusi eta
zail da pentsatzea
ez zera uste nuen
ligoian klasea;
farmazi bila dezu
gau dena pasea
soilik gelditzen zaizu
neska bilatzea. (bis)

U. Agirre: Gaurko kondoi kaja da
oso garestia!
Neskak hemen ez daude
baina urrun ez dia;
gaur bat nik bilatu det
ona ta eztia...
Ez dezu pentsatuko
zuri aurkeztia? (bis)

B. Gaztelumendi: Beraz txikiak eman
ohi dizu ikara;
inbiritan al zaude?
Hara, hara, hara!
Gaurkuan ligatzia
hain erreza bada
farmazia itxi ta
goazen tabernara! (bis)

U. Agirre: Ikusi dedanian
begien diztira
zurekin ez nijoa
lagun urrutira;
ligatzea zaila da
baina ai! Begira:
kondoiak garestigo
ateratzen dira! (bis)