Bertsoak - Fitxa ikusi Atal honi buruz gehiago jakiteko
2007-12-01 Ordizia Txapelketa [Bertsoa] / Iñaki Gurrutxaga, Aitor Sarriegi
2007-12-01 Ordizia Txapelketa [Bertsoa] / Iñaki Gurrutxaga, Aitor Sarriegi
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
I. Gurrutxaga: Luzeak ziren egunak
edan ta edan jardunak
baina oraintxe bukatu dira
momentu ilunak:
hemen dauzkazu lagunak
orain behar dituzunak;
anonimoak baina guztiok
gera ezagunak. (bis)
A. Sarriegi: Hasi zinenetik garaiz
aditu izan dizut maiz
eta pentsatu det neurekiko
ez dit egingo gaitz;
natorrela ere sinesgaitz
ez noski aldarte lasaiz?
Arratsalde on Aitor naiz eta
alkoholikoa naiz. (bis)
I. Gurrutxaga: Ni Iñaki ta hau Unai
pozik gaude eta alai
haseran denok gaude urduri
ta izerditan blai;
zu ez omen zaude lasai
hori ez det sinistu nahi;
guk lagunduko dizugu zuri
zuk guri ere bai. (bis)
A. Sarriegi: Mundu hontan sartu nintzen
ta ez nintzen atrebitzen
baina azkenik etorri eta
hor nago aditzen;
zenbat pertsona ta izen!
Gaur etorri arren zuzen
ez dakit ziur bihar berriro
etorriko naizen. (bis)
I. Gurrutxaga: Beldurrak hartu zaitu zu
hori gertatzen da usu;
zure bizitza berriz ez zazu
bihurtu alkohol putzu;
zeure kezkak badituzu
baina goazen pausuz pausu
eta botila erdi beterik
ikusiko duzu. (bis)
A. Sarriegi: Kontu hau ez da atsegin
familian zenbat samin!
Eta ez nuen segi nahi noski
nik bizitzan berdin;
sorgindu nauzu hitzekin
ta egingo dut ahalegin
bost urte barru berriro ere
hemen egon nadin. (bis)
Datu-base honetan eskainitako informazioari buruz jakiteko, kontsultatu lege oharra