Bertsoak - Fitxa ikusi Atal honi buruz gehiago jakiteko
2007-12-01 Ordizia Txapelketa [Bertsoa] / Aitor Mendiluze, Iñaki Zelaia
2007-12-01 Ordizia Txapelketa [Bertsoa] / Aitor Mendiluze, Iñaki Zelaia
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
A. Mendiluze: Ailegatu zait eguna
gogorra eta iluna
senti naizela lehenago egin
nunan erruduna.
Gogorra baita kuttuna
guri gertatzen zaiguna:
berak denetik galdetu eta
ezin erantzuna. (bis)
I. Zelaia: Gure harremana ahula
zela ezin disimula;
adopzioa gure ametsa
lortzeko formula;
galdera ari zaigula
guk erantzun ez sekula?
Onar ezazu erru pixka bat
gurea degula. (bis)
A. Mendiluze: Pixka bat dezu hartua
erru gisan juzgatua
baina pixka ez osorikan da
gure pekatua;
etorri zen eskatua
hasieran gustatua
gaur ohartzen naiz ez nengoela
horren prestatua. (bis)
I. Zelaia: Badago arazo frango
dena ez degu emango
prestatu gabe gaude, ezetzik
ez dizut esango;
eginak gaude bi bando
ez gabiltza oso ondo;
geurea sortu bagendu ere
hobia ez zan izango! (bis)
A. Mendiluze: Gogorra da kezkatzea
hontara ailegatzea
eta maitatu degunagatik
gaizki sentitzea;
hobe izango da deitzea
goxo-goxo aritzea
ta ulertuko ez badet ere
berriz saiatzea. (bis)
I. Zelaia: Nola aurrera azaldu?
Berriro zerbait esan du
baina ez degu gaur arte behar
adina laztandu;
gure harremana landu
umea geureganandu
saiatu ezkero oraindik ere
ez baita berandu. (bis)
Datu-base honetan eskainitako informazioari buruz jakiteko, kontsultatu lege oharra