Bertsoak - Fitxa ikusi Atal honi buruz gehiago jakiteko
2001-03-24 Hernani Txapelketa [Bertsoa] / Arkaitz Goikoetxea
2001-03-24 Hernani Txapelketa [Bertsoa] / Arkaitz Goikoetxea
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Batzuek dena eskas daukate
ta guk eskuak beteak,
guretzat dira aldi onenak
besterentzako nekeak;
zer erremeio ote dauka ba
hori hola izateak?
Neri ez esan, horretan ez du
zerikusirik zorteak,
beti berdinak astintzen ditu
heriotzaren kolpeak. (bis)
Mundu honetan guk behar dugu
izan lehen, izan goren
ta hortarako beste batzuek
azpian bizi behar omen;
justiziaren arrastorikan
ez dugu ikusten hemen.
Haiekin ahaztu ta bizi gera
ahal genukeen ondoen,
haiekin soilik oroitzen gera
hondamendien ondoren.
Terremotoak, gerrak ugari
ta horrenbeste istori,
kontu urrunak gertatzen zaizka
gure arteko askori
eta geronek nahi dugulako
soilik izaten da hori;
honta ezkero zein ez ote da
bada kontuan erori:
haiek hain gaizki bizi dira ta
gu bizi hain ongi. (bis)
Datu-base honetan eskainitako informazioari buruz jakiteko, kontsultatu lege oharra