BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-04-27 Amasa-Villabona Txapelketa

Gai-emailea

Jauregi, Saroi

Bertsolariak / Egileak

Eizagirre, Estitxu

Lana

Bakarka gaia-emanda kartzelako-lana

Jarritako gaia

Txirrindularia zara. Zure kirol bizitzan debekatutako sustantziak hartu izan dituzu. Zure lehen garaipena heldu da, baina kezkak ere badituzu.

Deskribapena

Doinua

Aita izena kanta beharrak

Neurria / Estrofaren izena

Hamarreko handia (hg) / Bost puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-04-27 Amasa-Villabona Txapelketa [Bertsoa] / Estitxu Eizagirre

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

---

Txirrindulari bizimodua
noski ez degu xamurra,
entrenamentu ta pastilekin
gorputzai eman egurra.
Gaur lortua det lehenengo aldiz
podium haundiko gailurra,
hala ta ere poza adina
haundia daukat beldurra
etapa erdin moztuko al den
nere bizitzako tourra. (bis)

Goizean goizik entrenatzen det
alboan utziz etxea
ta tokatzen zait aldapak jeitsi
ta portuak igotzea.
Sendagileak hau agindu dit:
mila pastila hartzea,
baina badakit gerta leikela
ta barruan det trantzea
soinean dudan mallot hori hau
luto beltza bihurtzea. (bis)

Gregario gisa egina nuen
hain hasiera umila
ta gero lider bihurtu nauen
lan fina eta ixila.
Pentsatua det aurrerantzean
horrela izan dadila,
kirola utzi baino lehenago
nahiago bainuke hila;
txirrinduari lotuta dago
nere bizitzan gurpila. (bis)