Bertsoak - Fitxa ikusi Atal honi buruz gehiago jakiteko
2001-05-18 Ordizia Txapelketa [Bertsoa] / Estitxu Eizagirre
2001-05-18 Ordizia Txapelketa [Bertsoa] / Estitxu Eizagirre
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Axal ta hexur daude guztiak
eskeletoen antzera,
jatekorik ez eta tiroka
hasiak dira gainera.
Agintariek esan didate
egin dezadan atzera,
nere moralan aurka dijoa
eta noa esatera:
hona ez ginela denok etorri
turismoa egitera. (bis)
Nik helburu bat bilatzen nuen
eta hautatu Ruanda,
orain nolatan atzera utzi
egin dunean eztanda?
Eliza eta estatu denen
jokoa hauxe izanda,
bertara joan ta laguntzeko
denentzat nahikoa lan da;
zein errexa den denei laguntzen
silloi batean etzanda! (bis)
Azkenekoa hiltzen den arte
ez det jarriko eskela,
guztien alde egin nahi nuke
nere ahalegin itzela.
Gure Eliza ta Estatua
"salbapatrias"ak bezela,
baina guztiei esango diet
gertatu dela horrela:
laguntza gehien behar zenean
hiltzen utzi dietela. (bis)
Datu-base honetan eskainitako informazioari buruz jakiteko, kontsultatu lege oharra