BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-05-18 Ordizia Txapelketa

Gai-emailea

Aldanondo, Igor

Bertsolariak / Egileak

Jimenez, Alfonso

Uranga, Jokin

Lana

Binaka gaia-emanda

Jarritako gaia

Zuk, Jokin, diru mordoska ordainduta Alfonso arrazako txakurra erosi zenuen zure txaleta zaintzeko. Bart norabait aldegin du txakurrak eta txaletean sekulako lapurreta egin dute.

Deskribapena

Neurria / Estrofaren izena

Hamarreko txikia (hg) / Bost puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-05-18 Ordizia Txapelketa [Bertsoa] / Alfonso Jimenez, Jokin Uranga

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

---

URANGA:
Arrazakoak ziren
aita eta ama,
eta noski arraza
ekarri zugana.
Baina orain ez dezu
ondo bete lana,
nere ondasun dena
dute eramana;
pena bat dut: zu ere
lapurtu ez izana.

JIMENEZ:
Diruan truke prestu
zeunden erosteko,
ilusioa ere
azaldu tarteko;
dirua eraman dute
besteen pozeko,
aukeratu behar zendun
askozaz hobeto?
Ehizeko txakurra
txaleta zaintzeko!

URANGA:
Beti pentsua janez
eta ez hezurrak.
Zuk ondo markatuak
zenituen lurrak.
Esan dituzunak ez
badira gezurrak,
hortarako badira
holako txakurrak,
joan ehizera ta
ekarri lapurrak.

JIMENEZ:
Ehizeko txakurra
noski nauzu nerez
eta zaintzeko lanak
ezin egin errez;
mirariak eskatzen
ez hasi mesedez,
atzo abitu nintzen
katetikan ihes;
zu sarri joaten zera
ni zergatikan ez?

URANGA:
Ni beti egoten naiz
joateko aukeran,
zugatik nuelako
hainbat diru eman;
eta orain alperrik
hasi zera teman,
ikusita gaur nola
portatua zeran,
bizi beharko dezu
herriko perreran.

JIMENEZ:
Horrek sortuko dizkit
hainbat enbarazu,
ihesi aritu naiz
sarritan jo ta su!
Nerekin badaukazu
nahiko konpromezu
ta ez dizut egingo
inoiz gehio kasu
ta zure ondasunak
zuk zaindu itzazu!