Bertsoak - Fitxa ikusi   Atal honi buruz gehiago jakiteko

2001-03-23 Pasaia Txapelketa [Bertsoa] / Amaia Agirre, Jon Martin

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusirako Gipuzkoako Sailkapena (2001)
Saioa
2001-03-23 Pasaia Txapelketa
Gai-emailea
Azkune, Laxaro
Bertsolariak / Egileak
Agirre, Amaia
Martin, Jon
Lana
Binaka gaia-emanda
Jarritako gaia
Ume txikien gurasoak zarete biok. Ez zaizue erreza suertatzen zuen umeak entretenitzea. Helburu horrekin zuk Amaia bideoa ipintzen diozu sarritan. Jon Martinek nahiago du ipuinak kontatzea.

Deskribapena

Doinua
Haize hegoak hurbiltzen ditu
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2001-03-23 Pasaia Txapelketa [Bertsoa] / Amaia Agirre, Jon Martin

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


A. AGIRRE:
Ume txikiak ondo hezitzea
nola ez dan berriketa,
ikus-entzunei ipintzen diet
dudarik gabe arreta.
Eta zuk, berriz, ipuin kontatzen
entretenitzea meta.
Nik ipuinikan ez det kontatzen
lo hartuko lidake-ta. (bis)

MARTIN:
Dirudienez bideo hori
jarrita nahi du alaitu,
edo bestela kontatzen hasi
eta lo hartuko baitu.
Nere ustetan hobe ipuina
belarri ertzera aitu.
Horrela esna hasiko dittu
ta ametsetan jarraitu.
ta lokarturik amaitu. (bis)

A. AGIRRE:
Umea esna mantentzea da
nere lehenengo baldintza,
ta telebistak eskian ohi dit
neri hortarako giltza.
Ikus-entzunak garatzen ditu,
horra hor nere eskaintza:
hartara biak uztartzen ditu
imagina eta hitza. (bis)

MARTIN:
Ez zaiozula bere burua
bideoekin nahasi,
ipuinak entzun ezkero, berriz,
badauka zer irabazi.
Nere ustetan ipuinarena
askoz hobea du kasi:
horrela biak egingo ditu
dibertitu ta ikasi. (bis)

A. AGIRRE:
Zure arrazoiak ezin nazake
ni harrapa ezustean
umea ez da dibertituko
jende heldua nahastean,
ta bideoa zure iritziz
hemen dena narrastean.
Zeini entzuna izango du bai
ikastolara hastean. (bis)

MARTIN:
Nere ipuinak konta ditzadan
badaude hainbeste modu,
berak entzuten pasasen ditu
nik ez dakit zenbat ordu.
Baina gustatzen zaizkio hari,
horretaz nago seguru,
nere amak ere egiten zuen
eta berak egingo du. (bis)

Datu-base honetan eskainitako informazioari buruz jakiteko, kontsultatu lege oharra