Bertsoak - Fitxa ikusi Atal honi buruz gehiago jakiteko
2001-04-27 Amasa-Villabona Txapelketa [Bertsoa] / Alfonso Jimenez, Jokin Uranga
2001-04-27 Amasa-Villabona Txapelketa [Bertsoa] / Alfonso Jimenez, Jokin Uranga
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
JIMENEZ:
Kamioilarian lana hartu zuen
besterik izan ezean,
bere bizitza orain ez doa
oso bide errezean;
errepidean bere bizitza
ipintzen du jolasean,
seguruena da bialtzea
Jainkoaren babesean. (bis)
URANGA:
Kandelarekin noraino zoaz,
galdu al dezu burua?
Beste aldera bideratua
daukat nere helburua:
senarrak bertan hiltzen badira
da oso gauzasegurua
Jainkoak ez du ezer ematen
seguru etxeak dirua. (bis)
JIMENEZ:
Gertatu ondoren izaten dira
nik ez dakit zenbat malko!
Kandela eta seguruakin
orain bada alde asko;
ezertxo ere gerta ez dedin
kandela piztu beharko
ta seguruak balio dizu
gertatu ta gerorako. (bis)
URANGA:
Etorkizuna aurreikustea
ez da ideia txepela,
zuk badakizu gure senarrak
beti kanpoan daudela;
hil ezkero ere nik pentsatzen dut
moldatuko ginakela,
lehenago ere bizi baikera
alargunduta bezela. (bis)
JIMENEZ:
Nahiz urrun egon jakin ezazu
maitasun asko badala
eta nik gertu sentitu ohi det
nere senarran itzala;
zuk segurua ta nik kandela
desio dugun bezala,
eta onena da horrekin biak
lasai geratzen gerala. (bis)
URANGA:
Errepidean guk badakigu:
edozer daiteke gerta,
gure senarrek ematen dute
hainbat jira eta buelta;
bere muxuen zai egoten naiz
urduri bezain erreta,
eskerrak behintzat butaneroa
etorri ohi den tarteka. (bis)
Datu-base honetan eskainitako informazioari buruz jakiteko, kontsultatu lege oharra