BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-05-19 Lasarte-Oria Txapelketa

Gai-emailea

Azkune, Laxaro

Bertsolariak / Egileak

Mendiluze, Aitor

Suberbiola, Pablo

Lana

Binaka gaia-emanda

Jarritako gaia

Zuek, herriko arma fabrika ospetsu batean egiten duzue lan, herritar askoren antzera. Azkenaldian, salmentak murriztu direla eta enpresaren iraupena kolokan dago. Hori dela eta, Pablo pozik zaude, Aitor kezkatuta.

Deskribapena

Doinua

Santa Barbara zure bizitza A

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-05-19 Lasarte-Oria Txapelketa [Bertsoa] / Aitor Mendiluze, Pablo Suberbiola

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

SUBERBIOLA:
Urtetan zehar ez naiz aritu
gure lanean gustora,
zailtasun honek ekar dezake
nire ustetan mejora.
Doan bidetik gure mundu hau
ez dijoanez inora,
aspaldi joan behar gendunak
behingoz bagoaz parora. (bis)

MENDILUZE:
Hainbat urtetan lan egin degu,
orain agian akabo;
armagintzatik langabezira
behar al degu igaro?
Gu gabe ere nahiko gerra ta
nahiko miseri badago
eta kalera baldin bagoaz
bi miserable gehiago. (bis)

SUBERBIOLA:
Inkoherentziak jasate`itugu
bizi honetan erreskan;
hara Aitorrek langabezian
kontuan ze kezka daukan!
Faltsukeriak etorri dira
gure bururaino bueltan,
numero gorri izango dira
diru zuriaren faltan. (bis)

MENDILUZE:
Dirudienez armen sorkuntza
ez dezu asko atsegin,
baina gaur arte neuk bezelaxe,
zenuen hainbat ahalegin;
kontzientzia lasai daukat nik,
patrika nahi nuke berdin;
guk armak egin ditugu baina
ez degu gerrarik egin. (bis)

SUBERBIOLA:
Gerra laguntzen degula garbi
badakigu barrenetan,
produkzioa jetxi izanak
ni neu ez nauka penetan.
Beste kontu bat dala ta nago
ni beti erdi kezketan;
oraindik gehitxo saltzen degula
guk gure herrian bertan. (bis)

MENDILUZE:
Beraz kanpora eraman gabe
bertan daukagu aukera,
mundua hola baldin badago
gure errua ote da?
Orain saiatu behar genuke
langile denok batera,
produkzioa alda dezagun
eta aurrera atera. (bis)