BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-05-11 Azkoitia Txapelketa

Gai-emailea

Zaldua, Ion

Bertsolariak / Egileak

Elustondo, Nerea

Epelde, Imanol

Lana

Binaka gaia-emanda

Jarritako gaia

Aiton-amonak zarete. Nerea amona eta Imanol aitona. Etxeko baratzean txorimaloa jarri du Imanol aitonak dotore-dotore, Nerea zure arropak erabiliz. Oraintxe ikusi duzu txorimaloa.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-05-11 Azkoitia Txapelketa [Bertsoa] / Nerea Elustondo, Imanol Epelde

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

ELUSTONDO:
Zer nahiko ote zuen
ez dakit seguru,
aitonak sortu digu
horrenbeste gudu,
txorimaloarekin
oi zenbat apuru!
Lehen bakarra gutxi zen
orain bi ditugu. (bis)

EPELDE:
Hori pentsatzen al du
amona ankerrak?
Papela ondo bete du
txoimalo ederrak,
uxatu ditu bele,
uso ta eperrak
eta bakar-bakarrik
usaiai eskerrak.(bis)

ELUSTONDO:
Zure arrazoi hoiek
hain dira mantsoak!
Esateko zertxobait
badauka atsoak:
haundiago izateko
emaitzan zantzoak,
jarri behar zenizkion
zure bonbatxoak. (bis)

EPELDE:
Zure erropak ez zun
nahi aina bertute,
txorimaloa da orain
baratzan arkupe.
Gustora egina dut
erropakin truke,
orain behintzat funtzio
bat betetzen dute. (bis)

ELUSTONDO:
Holakorik aurretik
ez nun asko uste,
nigan sortu berri da
hainbeste kontraste;
txorimaloa hartuta
noa ohia eske
ta zu berriz baratzan
geratu zaitezke. (bis)

EPELDE:
Armarioa hustu
nuen bat-batean,
txoriak uxatuta
nabil suertean;
txorimaloa ez da
izango kaltean
uzta ziurra degu
hurrengo urtean. (bis)