BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-05-19 Lasarte-Oria Txapelketa

Gai-emailea

Azkune, Laxaro

Bertsolariak / Egileak

Albistur, Aitor

Munduate, Joxe

Lana

Binaka gaia-emanda kartzelako-lana

Jarritako gaia

Zuk, Aitor, giltzak galdu dituzu eta etxera sartu ezinda geratu zara. Telefonoz laguntza zerbitzura hots egin duzu. Hara non datorren Joxe suhiltzailea aizkora bizkarrean duela.

Deskribapena

Doinua

Dama gazte xarmant bat

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-05-19 Lasarte-Oria Txapelketa [Bertsoa] / Aitor Albistur, Joxe Munduate

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

ALBISTUR:
Atea irekitzen
hainbat enbarazu,
honi hots egin eta
hor dator jo ta su!
Giltza hori ikusita
haundia da, aizu,
patriketan sartuta
ekarri al dezu? (bis)

MUNDUATE:
Giltza txatxu hoiekin
hainbeste komeri!
Orain mintza behar gera
arpegiz arpegi;
aizkorakin ez nator
lanerako nagi,
zenbat bota behar dira
ate bat edo bi? (bis)

ALBISTUR:
Parranda egitea
genuen adostu,
atera eta giltzak
dizkidate ostu;
bi zero azpitikan...
erabat naiz hoztu,
atea bota baina
bururik ez moztu. (bis)

MUNDUATE:
Zu ikusi ta laister
ipini naiz izu,
laguntza eman asmoz
hona natorkizu,
baina kiratsa ere
latza dariozu,
kanpoan egoteko
hobea zaude zu! (bis)

ALBISTUR:
Oso pinta txarra det,
hori da egia
ta nere arazoa
guztiz ageria,
baina aizkora utzi
bertan Mindegia,
zure etxera joatea
hobe dugu ia. (bis)

MUNDUATE:
Juergatikan estera,
hori da trantzea!
Itsasora joan gabe
hoi harrapatzea;
legatza hor daukazu
arrainen antzea,
zuri komeni zaizu
dutxa bat hartzea. (bis)