Bertsoak - Fitxa ikusi Atal honi buruz gehiago jakiteko
2001-04-27 Amasa-Villabona Txapelketa [Bertsoa] / Nahikari Gabilondo, Aitor Sarriegi
2001-04-27 Amasa-Villabona Txapelketa [Bertsoa] / Nahikari Gabilondo, Aitor Sarriegi
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
GABILONDO:
Mutil-laguna badet
altu bezain guapo,
harekin pasiatzen
ibiltzen naiz bapo;
muxukatu behar bada
gustora beharko,
denborarik ez dago
maitasunerako.
SARRIEGI:
Badezu muxurik ta
badezu indarrik,
nerearekin ez det
holako sugarrik;
jendeari ez daukat
azaldu beharrik,
bionak behar baitu
biontzat bakarrik.
GABILONDO:
Hura besarkatu ta
makina bat saio,
dena konpartitzeko
ginelako jaio.
Lotsa albora utzi
zazu, ze arraio!
Bihotzai beti kasu
egin behar zaio.
SARRIEGI:
Aizu, hau ez da lotsa
jarri zaite adi,
zuek hor zabiltzate
ari eta ari;
ikasiko dezula
ziur naiz Nahikari
balioa ematen
bakardadeari.
GABILONDO:
Bihotza nagusi det
nere zentzunean,
mugarik ez daukagu
guk maitasunean;
goxoki trata zazu
nahi duen unean
edo faltako dezu
behar dezunean.
SARRIEGI:
Nik goxo tratatzeko
hartu ohi det beta,
baina zu entzun orduko
belztu zait kopeta.
Alperrik egin dezu
nerekin hizketa
bakoitzak bere eran
maitatzen du eta.
Datu-base honetan eskainitako informazioari buruz jakiteko, kontsultatu lege oharra