BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusirako Gipuzkoako Sailkapena (2001)

Saioa

2001-03-16 Andoain Txapelketa

Gai-emailea

Aldanondo, Igor

Bertsolariak / Egileak

Garmendia, Jon "Txuria"

Lana

Bakarka gaia-emanda kartzelako-lana

Jarritako gaia

Zu enpresaria zara. Zure enpresan etorkin talde bat hartu duzu papelik izan ez arren. Bulegoko leihotik ikusten duzu nolako fin ari diren lanean. Konta iezazkiguzu zure burutapenak.

Deskribapena

Doinua

Gregario edo laguntzaile naiz

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2001-03-16 Andoain Txapelketa [Bertsoa] / Jon Garmendia "Txuria"

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Enpresa hontan beti izan da
kalitatea helburu,
langintza hortan baneramatzan
hamabi urte inguru,
lan egiteko bertan hartuaz
ehun bat langile kopuru;
hor dabiltza buruz buru
lana seguru daukagu. (bis)
Inmigranteak diren edo ez
ajolarik ez seguru,
paper gabeak diskriminatzen
paperak galtzen ditugu (bis)

Kanpotik datoz, ezin zaizkie
inolaz ateak itxi,
gizarte hontan gertatzen baita
hamaikatxo gauza bitxi.
Inork ez daki lanean eta
inork ezin erakutsi;
langile ametsak suntsi,
inmigrante denek etsi. (bis)
Nik haiek ondo ikusten ditut
nahi badezue sinetsi,
lanean behintzat sinesten dute
eta hori ez da gutxi (bis)

Estatutikan legedia`re
ikusia det arraro
eta berari begiratzea
aukeran ez det nahiago.
Inmigranteen arazo denak
luzatu nahian luzaro,
ta ezin dute itxaro
inola ere gehiago. (bis)
Hoiek ez dira nere fabrikan
kapitalisten esklabo.
Eta langile izatea ere
gure eskutan badago (bis)