Bertsoak - Fitxa ikusi Atal honi buruz gehiago jakiteko
1990-04-08 Goizueta Txapelketa [Bertsoa] / Joxe Fermin Argiñarena
1990-04-08 Goizueta Txapelketa [Bertsoa] / Joxe Fermin Argiñarena
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Gaur itsu bati munduan berri
ematekotan nagona
aldez aurretik esango dizut
hau ez degula guk broma
zer haize klase dabiltzan mundun
entzungo zenduan sona
balore haundik baztertu eta
diruan da zoriona
eta munduan elkar hiltzen hor
dabil aspaldin gizona.
Arrantzalean arazoekin
lehenik behar nuke hasi
baserritarrak ere mendean
tratu txarrean berezi
kamio bat hor egin asmotan
beren lur denak berezi
eta Euskal Herri osoa gaur
legorte batean bizi
zu bezelaxe itsu banengo
neretzako hobe kasi.
Merkadu baten sartu ziguten
hortik dator ondamena
Euskal Herrian nola gabiltzan
dago gauza nabarmena
herri libre bat izan nahi degu
nundik nahitikan ez dena
batzuk begitan, zuk ez bezela,
ikusitzeko kemena
baina ez dute hau ikusi nahi
horrek ematen dit pena.
Datu-base honetan eskainitako informazioari buruz jakiteko, kontsultatu lege oharra