Bertsoak - Fitxa ikusi Atal honi buruz gehiago jakiteko
1990-04-01 Lekunberri (N) Txapelketa [Bertsoa] / Antonio Olano
1990-04-01 Lekunberri (N) Txapelketa [Bertsoa] / Antonio Olano
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
San Miguel zuri errezun nator
eskatu nahi dizut dana
oso tristerik ikusten bait det
gaurkoan nere barrena
eskatzen dizut herriarentzat
lehenengo askatasuna
eta ondoren ahal baldin bada
anaientzat maitasuna
horixe da gaur Olanok zuri
beraz eskatzen dizuna.
Gehiago ere nahiko nizuke
San Migel zuri eskatu
arren ez nuke zure aurrean
nahiko nik abusatu
bildu itzazu gaur zenbait anai
nolatan diran urratu
eta loturik dauden anaiak
ahalik azkarren askatu
eta Euskal Herri maite hontan
betiko pakea sortu.
Badakizu zuk aspaldi hontan
hara gu nola goazen
oker gehiegi ikusten det nik
ezer gutxi dago zuzen
ez dakit gaurkon San Migel zuri
zer esaten ari naizen
baina eskea egin nahi nuke
hemendik ahal bada luzen
Euskal Herrian bizi geranak
anaiak izan gaitezen.
Datu-base honetan eskainitako informazioari buruz jakiteko, kontsultatu lege oharra