Biografiak - Fitxa ikusi Atal honi buruz gehiago jakiteko
Antonio Olano
Datu pertsonalak
- Izena
- Olano, Antonio
- Izen abizen osoak
- Olano Eskudero, Antonio
- Jaiotza
- 1954 Arano + Arano < Leitzaldea < Iruñeko Merindadea < Nafarroa < Euskal Herria
Bertsolaritzan
- Jarduera mota nagusia
- Bertsolaria
Datu biografikoak
- Biografia
- Antonio Olano Escudero bertsolaria da. Nafarroa Garaiko Aranon sortu zen 1954an. Sortzez aranoarra izanagatik, Ereñozun bizi da aspaldian. Igeltserotza izan zuen ogibide, egun erretiratuta dago.
Aitona bertsolaria izaki, etxeko giroraren eta lagunartearen eraginez bertsozaletu zen; horretan Ormazabal anaien eragina nabarmendu izan du Antoniok berak. Lehen plaza Lezaman egin zuen, 1975ean. Geroztik, plazan ez ezik, hamaika txapelketatan ere parte hartu du, eta haietako batean, 1990ean taldeka jokatutako Nafarroako Txapelketan, gailendu zen, Eusebio Fagoaga eta Joxe Fermin Argiñarenarekin batera. Zeberio I.a, Iñaki Murua eta Lasarte II.arekin aritu izan da batik bat. Halaber, Xalbador, Uztapide eta Xalto izan ditu bertsotarako erreferentzia gisa.
Bertsolaritzan lehen pausuak
- Lehen plaza
- 1975, Lezama (Bizkaia)