BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Nafarroako Bertsolari Txapelketa (19. 1990)

Saioa

1990-04-08 Goizueta Txapelketa

Gai-emailea

Taberna, Mikel

Bertsolariak / Egileak

Aire, Mixel "Xalbador II"

Olano, Antonio

Lana

Binaka gaia-emanda

Jarritako gaia

Zu Mixel Xalbador, gaueko ordu biak aldera, erromantizismoz beterik, maite duzun neskaren azpiko leihora joan zara gitarrarekin kantani. Antonio Olano, neskaren amona atera zaizu leihora. Hiruna bertso zortziko txikian Mixel Xalbador hasita.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1990-04-08 Goizueta Txapelketa [Bertsoa] / Mixel Aire "Xalbador II", Antonio Olano

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Xalbador:
Polita bait da zure
etxe ingurua
ikusi ote duzu
nik egin keinua
maitea gehiago
maitatzera nua
gustatzen ote zaizu
gitarra soinua.

Olano:
Gitarrarekin nahi du
iloba engaina
senargaia daduka
haren gainez fina
baina amonak hartuko
dio tamaina
amonak ere badu
zuretzako aina.

Xalbador:
Ez naiz lehiope huntan
nolanahi egona
ez bait naiz errez gaizki
nabilan gizona
zuretzat gitarra hau
jotzen dut amona
zure ilobarentzat
daukat biolina.

Olano:
Amonak hartu behar
dizkio neurriak
argi ekarri ditu
benetan begiak
baina esango 'izkizut
guztira egiak
aldegin zazute gaur
gitarra ta biak.

Xalbador:
Gitarra hau jotzen dut
ez sobera gora
badakit hunek egin
soinua heldu nora
hunen soinuarekin
helduta hau lora
hau lokartuta gero
jinen zaut iloba.

Olano:
Esaten ari naiz ta
entzun nik esana
hara nolakoa dan
gaur bildu zaiguna
arraza onekoa
ote da zezena
gitarra utzi zazu
astindu kertena.