BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Nafarroako Bertsolari Txapelketa (19. 1990)

Saioa

1990-03-18 Ezpeleta Txapelketa

Gai-emailea

Irieder, Jean Pierre

Bertsolariak / Egileak

Arrosagarai, Joanes (1949-1998)

Harinordoki, Jean Louis "Laka"

Lana

Binaka gaia-emanda

Jarritako gaia

Laka, baserritarra zira, zu aldiz, Arrosagarai, baserriko zerri gizena. Zerria hiltzeko garaia iritsi dela eta ganibeta hartu eta zerriarengana joan zira zu Laka.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1990-03-18 Ezpeleta Txapelketa [Bertsoa] / Joanes Arrosagarai, Jean Louis Harinordoki "Laka"

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Laka:
Aurten ere negua
dugu etorria
aragiz bete nahi
nuke baserria
bururatzen hasia
dugu janaria
odol ustu behar dut
gaur nere zerria.

Arrosagarai:
Ni hiltzera jina
zira zu argiko
ganibeta dautazu
zintzurrean sartuko
jakin nahi nuke hauxe
dagonez egiko
aski ukanen nuzu
ni urte guziko

Laka:
Dakizu aserikan
egona zerala
zure biziak orai
buka berehala
zintzurpetik sartuko
diot nik nabala
nolaz bere bizkarra
deraukan zabala.

Arrosagarai:
Zutan orai artean
goserikan ez zen
ez ote zira zuhaur
gaurkoan nabartzen
behin betikotzat ni
nauzularik hiltzen
txingarra gutxi dut ta
badut anitz gizen.

Laka:
Badakit engoitik zu
ez zira gizenduko
beraz kilo berririk
ez duzu hartuko
txingar gorri gutixko
zertan dut salduko
debaldetan ez zaitut
artoz mantenduko.

Arrosagarai:
Nitan ez dira izan
ez txingar gozoak
solasak al dituzu
gaur azkenekoak
azkar behar dituzu
bihotz ta gogoak
bai eta azkarrago
zure ahokoak.