BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Nafarroako Bertsolari Txapelketa (19. 1990)

Saioa

1990-03-18 Ezpeleta Txapelketa

Gai-emailea

Irieder, Jean Pierre

Bertsolariak / Egileak

Aire, Mixel "Xalbador II"

Argiñarena, Joxe Miel

Lana

Binaka gaia-emanda

Jarritako gaia

Mixel Xalbador aita zara, zu Joxe Migel Argiñarena hamabi urteko seme koxkorra. Biok telebista ikusten ari zarete eta bapatean bikote bat agertzen da amodio goxaketan. Zuk Xalbador semeari alde egiteko erraiten diozu. Hiruna bertso zortziko txikian aita hasiko delarik.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1990-03-18 Ezpeleta Txapelketa [Bertsoa] / Mixel Aire "Xalbador II", Joxe Miel Argiñarena

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Xalbador:
Zuzen bait da aholku
baten emaitea
adi nezazu otoi
zuk seme maitea
nahiz jarriko ziren
benturaz tristea
hobe duzu ageri
dena ez ikustea.

J.M. Argiñarena:
Aita-semeak hemen
elkarren onduan
telebistari beira
geunden txit giruan
neri joateko dio
zakurren moduan
zuk ikusi gabe hori
ikasi al zenduan?

Xalbador:
Gauzak denborak dauzkit
bai erakatsiak
konformatuko gira
benturaz gu biak
zu horren ikusteko
ez argi begiak
gauza hoiek ez zaizkit
sobera garbiak.

J.M. Argiñarena:
Aita hau beti beraren
setarekin dago
baina ni ere nere
iritzian nago
ikusten det zoazela
gero ta tontoago
zure semek badaki
hori ta gehiago.

Xalbador:
Nik uste baino hunek
gehiago dakita
nundik egina ote
zira hoin artista!
aita edo semea
ez dadien trista
bakearentzat bertan
itzal telebista.

J.M. Argiñarena:
Aita honek beretzat
begitako pozak
telebista horretan
gauza aproposak
semeak gero pasatzen
dituen lotsak
kristonak ziran bart 'e
ohe zaharraren hotsak.