Bertsoak - Fitxa ikusi Atal honi buruz gehiago jakiteko
1992-03-22 Luzaide Txapelketa [Bertsoa] / Joxe Miel Argiñarena
1992-03-22 Luzaide Txapelketa [Bertsoa] / Joxe Miel Argiñarena
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Berrogeitamar urte baditut
iadanik nik beterik
Amerikara joan nintzela
lanbideak beharturik
orain itzuli naiz sorterrira
eta nahikoa zaharturik
sortetxea hutsa ta ez dago hor
sasi ta larra besterik
ez nun espero nere herria
era hontan ikusterik (bis).
Ameriketan berrogei eta
hamar bat urte pasia
nere sasoi onenarekin
bizitza guzia ia
orain etxera itzuli eta
hau da nere tristezia
etxe zahar hori orain hutsikan
lehen hainbat ume hazia
bakardadea nagusi eta
nunhai larra ta sasia(bis)
Ez nuen uste nere sorterri
hau ikusterik galtzera
baina horrela aurkitu det gaur
zuhaitz zaharraren antzera
hainbeste burutazio datoz
nere bihotzaren ertzera
penaren kargak honi begira
jarri bait dit gaur lertzera
Amerikara itzuli nahi det
berriz penak arintzera (bis).
Datu-base honetan eskainitako informazioari buruz jakiteko, kontsultatu lege oharra