Bertsoak - Fitxa ikusi Atal honi buruz gehiago jakiteko
1998-04-05 Elizondo Txapelketa [Bertsoa] / Estitxu Arozena, Manolo Arozena
1998-04-05 Elizondo Txapelketa [Bertsoa] / Estitxu Arozena, Manolo Arozena
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
M. Arozena:
Pentsatu nuen Elizondora
atzo gauez hurbiltzea.
Nere triparen soinu galantek
nola hala ixiltzea,
gauza ona da lagunarekin
hizketan fin aritzea,
lorik egiten ez den gau hortan
pixkat entretenitzea.(b)
E. Arozena:
Garrantzi gutti du zuretzako
finalaren ohoreak.
Alde ederreko goxotasuna
eskeini zidan oheak.
Eta zu dantzan ibili zinen,
hartuaz whisky dobleak,
beraz zuk atzo bota zenitun
gaur baino bertso hobeak. (b)
M. Arozena:
Batzuentzako lo egitea
ona ote dan dirudi.
Zu lotan zeunden ohe xabalen
goxo-goxo, guri-guri,
eta Bordatxon: kaixo, zer moduz?
bizkarrean jaso guri,
aizu zu orain ez zaude lasai
baina ni ere urduri.(b)
E. Arozena:
Edozein moduz egiten zaie
nerbioei atakea,
horregatikan lota joateko
banuen borondatea.
Larunbateko irten aldia
edozeinentzat kaltea
hobea txapela jantzita gero
Bordatxora joatea.(b)
M. Arozena:
Txapelarekin juerga egin leike
horretan neu naiz lekuko
baina ahantzi're egiten zaigu
burua jaso orduko
ez zaitez izan garai bateko
bertsolai zarren moduko,
bart arratsean egin nuena nik
ez baitit inork kenduko.(b)
E. Arozena:
Zuk emandako aholku pila
beti izan dut gogoan
eta horiek gogoratzeko
aukera dugu gaurkoan.
Zuk nahi baduzu kotxea hartu
eta Bordatxora joan
hurrena soinu gutxigo egin
etxera sartzerakoan.(b)
Datu-base honetan eskainitako informazioari buruz jakiteko, kontsultatu lege oharra