Bertsoak - Fitxa ikusi Atal honi buruz gehiago jakiteko
1987-12-20 Bilbo Txapelketa [Bertsoa] / Ireneo Ajuria
1987-12-20 Bilbo Txapelketa [Bertsoa] / Ireneo Ajuria
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Ene semetxo lau urtetara
apur apurka heldu zara
eskolaurrean negarrez zaude
ez zazu hartu ikara.
Maisuak eta zure adineko,
aita, ama hemen gara
ta ikasketak emango dizu
gizon helduen patxada
isildu eta beldurrik gabe
sartu zaite ikastolara. (bitan)
Lehenengo egunez etorri zara
zuretzat ez da atsegin
beste batzuk be egiten dute
zuk egiten duzun berdin.
Baina bidea horixe duzu
seme behar dezu jakin
jolastu zazu etxe honetan,
liburuakin izan fin,
laister gizona e'ingo zaitue
eta negarrik ez egin. (bitan)
Pentsa egizu nolakoa den
maitasunaren indarra
iduritzen zaizu mundua gaur
duna eta bakarra.
baina begira ikastolara
zure biharko izarra
nahiz ta penetan aurkitzen zaren
duzu gelditu beharra
nik etxeruntza eramango det
semetxo zure negarra. (bitan)
Datu-base honetan eskainitako informazioari buruz jakiteko, kontsultatu lege oharra