Bertsoak - Fitxa ikusi Atal honi buruz gehiago jakiteko
1987-12-06 Durango Txapelketa [Bertsoa] / Jose Luis Mugarza "Elgetzu"
1987-12-06 Durango Txapelketa [Bertsoa] / Jose Luis Mugarza "Elgetzu"
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Lapiko zaharra zintzilik dago
euskaldunon laratzean
ta aspaldian aurkitzen ginan
su ondo triste antzean.
Baina Anboto aldetik gora
goizean begiratzean
poza hor dator liburuz gure
azoka hori jaztean
lore berriak ernetzen doaz
euskaldunon baratzean. (bitan)
Gure Kultura alde hortatik
beti izan da apala
liburu bat guk nola genduan
geure amaren magala.
Baina idatziz berbizten dator
orain hurrengo atala
eta izan bedi munduan zehar
behar dun indar zabala
erakusteko behar dan tokian
oraindik bizi garala. (bitan)
Liburu hoiek osatzen dute
guregan hainbeste ames
zuzentzen doa gure bidea
nahiz ta lehen ibili trabes.
hainbat borroka izana degu
ez gera joanak errez
orain frutuak hartzen bagoaz
ikusi daitezke aurrez
laister guztiak euskeraz bitez
eta erderazkoik bat'ez. (bitan)
Datu-base honetan eskainitako informazioari buruz jakiteko, kontsultatu lege oharra