Bertsoak - Fitxa ikusi Atal honi buruz gehiago jakiteko
1987-12-20 Bilbo Txapelketa [Bertsoa] / Aritz Lopategi, Jon Lopategi
1987-12-20 Bilbo Txapelketa [Bertsoa] / Aritz Lopategi, Jon Lopategi
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
Haritz
Hemen lonan etzunda
neu nago bakarra
hasieratik galdu
dot nire indarra.
Kontrarioak berriz
sua eta garra
hortik tongo entzutea
ez da gauza edarra
kristonak hartu eta
hori entzun beharra. (bitan)
J. Lopategi
Berriro tongo tongo
behar dozu a'itu
zutaz lehenago ere
bazen nahiko aipu.
Burrukan hasi eta
behingoan gogaitu
zutitu zaite barriz
hau ez da amaitu
hain errez erortzeko
nork erosi zaitu? (bitan)
Haritz
Kontrarioak gogor
dauka atakea
hauxe da nire mina
ta nire nekea.
Hemen atara dizkit
sua eta kea
golpeak hartzen egon
behar izatea
ez da gauza gozoa
tongo egitea. (bitan)
J. Lopategi
Dirua galtzen dot nik
barrua su ta gar
nire emazte gaixoak
egingo du negar.
Zurekin ez dot izan
gaurkoz suberte lar
itxuraz izanikan
haundi eta edar
lehenbiziko kolpetan
ez da jausi behar. (bitan)
Haritz
Berehala amaitu
da gure burruka
egia esateko
ez naiz bildurtuta.
Tongoa egin dot bai
ezin neinke uka
baina ni orain nago
oso lasaituta
gero miloi pare bat
hartuko ditut ta. (bitan)
J. Lopategi
Neuk be irabaztea
sentituz antsia
pentsatu nuen hemen
daukat ganantzia.
Jokoak beti dauka
bere garrantzia
ta honen gizontasuna
albora utzia
Juezera sartuko
dautsut denuntzia. (bitan)
Datu-base honetan eskainitako informazioari buruz jakiteko, kontsultatu lege oharra