Bertsoak - Fitxa ikusi Atal honi buruz gehiago jakiteko
1987-12-20 Bilbo Txapelketa [Bertsoa] / Jon Azpillaga, Jon Enbeita
1987-12-20 Bilbo Txapelketa [Bertsoa] / Jon Azpillaga, Jon Enbeita
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
Jon Enbeita
Hau ez da kontsultara
bart etorri zena
edo azkar joan da
ekarri zun pena.
Ahaztu zaio nonbaiten
mediku ordena
lukainka jaten badu
gogo ta kemena
hau ote da laguna
nire errejimena? (bitan)
Azpillaga
Atzo bildu ginaden
gaxo ta mediko
gizon zoztor petralak
ni ez nau begiko.
Txarrikiak jatea
kendua betiko
baina nik nola dedan
azido uriko
bokadilo batgaitik
ni ez banaiz hilko. (bitan)
Jon Enbeita
Hau da bokadiloak
egiten dautsuna
bizia labur egin
lehen labur duzuna.
Aho bero zarala
gertatzen zaizuna
agur medikuari
kontsultan entzuna
ehun kilo haragi du
gramoko zentzuna. (bitan)
Azpillaga
Horrek nere barririk
ez bait daki bate
mediko hoiek nitzat
gorroto daukate.
Lehen ere jardun naiz
aterikan ate
igual mesederako
edo igual kate
baina gozatu nahi det
bizi naizen arte. (bitan)
Jon Enbeita
Alperrik medikuen
kontseju aparta
berriz be egingo zara
mutiko galanta.
Neuk behintzat kobratu det
behar zen soldata
eta jan nahi baduzu
kiloko bokata
galtzen ari zarana
zeure burua da ta. (bitan)
Azpillaga
Erraturikan hartu
zenduen karrera
betenario izan
behar zuen bera.
Baina gaur nik izan det
jateko aukera
ez naiz hilko ni boka-
dilo baten gera
rejimena egingo det
bihartik aurrera. (bitan)
Datu-base honetan eskainitako informazioari buruz jakiteko, kontsultatu lege oharra