BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Araba Eta Bizkaiko Bertsolari Txapelketa (1. 1987)

Saioa

1987-12-06 Durango Txapelketa

Gai-emailea

Mandaluniz, Bernardo

Bertsolariak / Egileak

Ajuria, Ireneo

Arriola, Antton

Lana

Binaka gaia-emanda

Jarritako gaia

Anton, fama haundiko pelikula bat ikustera joan zara baina zure aurrean dagoen bikoteak ez deutsu ikusten ixten. Zu Ireneo, neskarekin zirrika zagozen mutila zara, Antonen aurrean.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1987-12-06 Durango Txapelketa [Bertsoa] / Ireneo Ajuria, Antton Arriola

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Anton Arr.:
Danetatik daukagu
hemen jenerua
ezer ezin ikusi
hau da apurua
Ireneo daukagu
gori ta berua
pantaila ikusi nahi dot
ta ez zure burua.

Ireneo:
Gazteak du odola
gori ta mardula
atzera egiterik
ez uste sekula
pentsatu gaur aukera
ona daukazula
ez al zaizu gustatzen
gure pelikula?

Anton Arr.:
Zinematara dator
hainbat astakirten
zer egin hau ikusi
ala kanpora irten?
neskatxagaz baduzu
hainbeste sentipen
hoba hasten bazara
filmeak egiten.

Ireneo:
Zuri gura dizut gaur
hau adierazi
linboan ezin leike
lagun hola bizi
espabilatzen ere
behar zara hasi
aukera daukazu ta
oraintxe ikasi.

Anton Arr.:
Neuk ere badaukat bai
hortako premina
baina neu ere ez naiz
sekula egina
gure konponbidea
niretzat ezina
ikusiko zintuzket
polita bazina.

Ireneo:
Konturatuko zara
halako batean
honera etortzea
ez dozu kaltean
maiteminduta gaude
lagun hainbestean
gauza hau e'iten nabil
kontsola zaitean.