BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Araba Eta Bizkaiko Bertsolari Txapelketa (1. 1987)

Saioa

1987-12-13 Gasteiz Txapelketa

Gai-emailea

Mandaluniz, Bernardo

Bertsolariak / Egileak

Areitio, Juan Mari

Arriaga, Xabier "Txiplas"

Lana

Binaka gaia-emanda

Jarritako gaia

Txiplasek, sasi-eskola besterik egiten ez dituen honek, zuri, Juan Mari, ikasle zintzo honi, kopiatzen izteko esan deutsu.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1987-12-13 Gasteiz Txapelketa [Bertsoa] / Juan Mari Areitio, Xabier Arriaga "Txiplas"

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Txiplas
Zu beti izan zara
ikasle trebea
ikustekoa da gaur
daukazun fedea.
Ni berriz beti izan naiz
hori izan gabea
egingo al didazu
berriz mesedea?

Areitio
Ni naiz ikasle zintzo
fin eta habila
liburuak etxean
ditut hamar mita.
Ta hau mendira joaten da
txorikumen bita
ikasi nahi ez badu
hor konpon dedila.

Txiplas
Badakit ez naizela
ikasle argia
ta joko hau ez dela
niretzat garbia.
Baina konpartitu gaur
zeure izerdia
gutxienez utzi ba
kopiatzen erdia.

Areitio
Gazte denbora honek
darama polito
bada kalean honako
zenbait astopito.
Eskolara jun ez ta
egiten du kito
martxa hortan badabil
e'ingo da ministro.

Txiplas
Alperrik eskatzea
hau ez da samurra
maisuak berriz ere
niretzat egurra.
Zero edo hiru gaur
nota segurua
kanpoan hausi behar
dizkizut muturra.

Areitio
Lagun hau ez dogu ez
ikasle txukuna
kalean pasatzen du
gaua ta eguna.
Penagarria dogu
honek e'iten duna
nik zertarako diat
honako laguna?