BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Araba Eta Bizkaiko Bertsolari Txapelketa (2. 1990)

Saioa

1990-12-09 Durango Txapelketa

Gai-emailea

Mandaluniz, Bernardo

Bertsolariak / Egileak

Arriaga, Xabier "Txiplas"

Enbeita, Jon

Lana

Binaka gaia-emanda

Jarritako gaia

Zu Jon, zure lau seme-alabakaz paseoan zoazela, hara non sartzen jatzuzan jostailu-denda batera. Hemen datortzu Txiplas dendaria.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1990-12-09 Durango Txapelketa [Bertsoa] / Xabier Arriaga "Txiplas", Jon Enbeita

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Txiplas:
Jugeteetan bada
makina bat moda
aukeratzen ez bota
hainbeste denbora
badaude muñekatan
zenbait behera-gora
baina zuk zeuk erosi
aurreko tratora (bir)

Jon:
Hamar mila jugete
beste hainbat seilu
haurrak dirala eta
hamaika istilu
baina alperrik zabiltz
dendari kankailu
lau haurrekin badaukat
nahikoa jostailu (bir)

Txiplas:
Hona sartu ta gero
hainbeste algara
umeak be bueltaka
makina bat traba
dana endredatuaz
hona eta hara
zertan etorri zara
zu nire dendara (bir)

Jon:
Zuk badakizu haurrak
etorri dirana
ta zuk eurari saltzen
daukazu afana
dana da elektronika
arma-gauza dana
bakea da etxean
nik behar dudana (bir)

Txiplas:
Jostailurik ez dau nahi
neu naiz gaur lekuko
honek ikasi ditu
makina bat truko
bakea nahi dabela
hori ezin uko
pentsau behar zenduan
ekarri orduko (bir)

Jon:
Ekarri ordurako
ni nintzen prestatu
arreglatuko naiz ta
ez zaite kezkatu
holako jostailurik
neri ezin gustatu
ezer ez dute ikasten
buruak nahastatu (bir)