Bertsoak - Fitxa ikusi Atal honi buruz gehiago jakiteko
1990-12-02 Gernika-Lumo Txapelketa [Bertsoa] / Rikardo Gonzalez de Durana
1990-12-02 Gernika-Lumo Txapelketa [Bertsoa] / Rikardo Gonzalez de Durana
Neurria:
Neurri luzekoak
Kokapena:
XDZ - Xenpelar Dokumentazio Zentroa
Lanpostu hori emanda gero
poztu nintzen berehala
txikitandiko garai jatorrak
gogoratuak hor hala
besteak legez nintzadelako
mutil bat nahiko normala
nere eritzi zabala
nahiz sarri izan petrala (bir)
orain dakusat irakasleak
guregan zuen itzala
eta uste dut zerbaiterako
behintzat balio zidala (bir)
Mutiko eta neska haiekin
nik hartzen nuen arnasa
gero jostatu ahal izateko
gertu genedukan plaza
ordu askotan hantxe egonik
nahiko bare eta lasa
memoria ez dut eskasa
gogoratzea erraza (bir)
nahiz ta urteak niregandikan
ere jada diren pasa
pentsa zazue eskola hartan
dena ez zela jolasa (bir)
Urte haietan nireganatu
nuen hainbeste birtute
eta beraiek kontserbaturik
hementxe urterik urte
oraintxe ere nator honuntza
zuengan beraren eske
ez jarri oraintxe triste
nahiz txarrak hainbat albiste (bir)
nere ustetan txarra izango
naizenik ere ez uste
irakatsiko dizuet behintzat
ikasi nuen hainbeste (bir)
Datu-base honetan eskainitako informazioari buruz jakiteko, kontsultatu lege oharra