Bertsoak - Fitxa ikusi Atal honi buruz gehiago jakiteko
1990-12-23 Bilbo Txapelketa [Bertsoa] / Unai Iturriaga
1990-12-23 Bilbo Txapelketa [Bertsoa] / Unai Iturriaga
Neurria:
Neurri luzekoak
Kokapena:
XDZ - Xenpelar Dokumentazio Zentroa
Kanpaina horri zorion dena
orain nahi nioke opa
nahiz eta batzuk bota dioten
sarritan berorri bronka
horretxen kontra ibili dira
obispo ta abade tropa
eta gu hemen gauz loka
lortzeko gure borroka (bir)
astakeria handiegirik
hemen gaur ezin dut bota
aita ta ama ta familia
oso aurrean dago ta (bir)
Nonbait batzuri eiten diote
gauza hoiek enbarazu
erlazioan badakizue
nola hainbat estrapozu
lehenengo eskua hartzen diote
ta ondoren eman musu
baina hori ez da arazu
eta eidazue kasu (bir)
entzule eta ikuslegoa
gauza oso argi daukazu
Abeli gerta zaiona ez pasa
dadin erabil ezazu (bir)
Nonbait baditu kanpaina horrek
hainbat gora eta behera
batzuk gogoko omen daukate
beste batzuk ez ostera
baina neurean jarraituko dut
gaurko honetan atzera
epea jada bete da
ta jo dezagun aurrera (bir)
esaten dute hartu ezazu
eta eraman etxera
baina noiz kristo euki behar dut
erabiltzeko aukera (bir)
Datu-base honetan eskainitako informazioari buruz jakiteko, kontsultatu lege oharra