Bertsoak - Fitxa ikusi Atal honi buruz gehiago jakiteko
1990-12-23 Bilbo Txapelketa [Bertsoa] / Ireneo Ajuria
1990-12-23 Bilbo Txapelketa [Bertsoa] / Ireneo Ajuria
Neurria:
Neurri luzekoak
Kokapena:
XDZ - Xenpelar Dokumentazio Zentroa
Intxur-saltsa eiten izango dira
amona eta aitonak
eta etxean umearen zai
berdin andre ta gizonak
sukaldeetan mahai danak txukun
jan eta edari onak
karta-joko eta bromak (bir)
Gabonak ondo pasako ditu
aukera hortan dagonak
bezperan gaude ta guztiori
nere partez zorionak (bir)
Baina guztiak ez dauz beteko
janari onan usaiak
beti danikan gogor jo dausku
Euskal Herrian etsaiak
batzuek triste beste batzuek
izango dira alaiak
hola dira Gabon-jaiak (bir)
ta sentipena mugitutzea
eskaten dausku garaiak
nere bertsotan agurtzen ditut
kartzelan dauden anaiak (bir)
Batzuk kartzelan beste batzuek
joan dira urrutira
pentsamenduak izango dabez
askok jira eta bira
Gabon-zorion hau joan bedi
euren bihotzan erdira
hori da nere desira (bir)
gu hemen gaude eta zuek hor
zeuen etxera begira
hurrengo urtean danok batera
etorri Euskal Herrira (bir)
Datu-base honetan eskainitako informazioari buruz jakiteko, kontsultatu lege oharra