Bertsoak - Fitxa ikusi Atal honi buruz gehiago jakiteko
1990-12-23 Bilbo Txapelketa [Bertsoa] / Abel Enbeita
1990-12-23 Bilbo Txapelketa [Bertsoa] / Abel Enbeita
Neurria:
Neurri luzekoak
Kokapena:
XDZ - Xenpelar Dokumentazio Zentroa
Ia lanean ere baginan
nolabait zerbait aspertu
itxaropenik nahiz ta sekula
guk ez dugun ez baztertu
ilusioak egin genduzen
eta guztiak okertu
baina hara da edertu (bir)
esan didate ume eder bat
laister daukadala gertu
momentu hontan ez dakit nola
nere zoriona eskertu (bir)
Izango du bai nere partetik
beharko duen laguntza
munduko bizi latz guzti hontan
aurrerapideen bultza
baina hala ere gerta ez dadin
mutiko bat erdi hutsa
kenduko diot nik hautsa (bir)
berakin bakar-bakarrik leike
bete maitasunen kutxa
hortik kanpora ezin berotu
bere amaren gorputza (bir)
Jaio orduko hasiko naiz ni
sehaskatxoai kantari
zoriona ta poza izango
bait dituz hortaz nabari
hala ta ere egin beharko
dizkiot hainbat eskari
galdu ez dadin ugari (bir)
bere bizitza eman diezaion
gure Euskal Herriari
haintzako hartu bere aurreko
hainbat ta hainbat gudari (bir)
Datu-base honetan eskainitako informazioari buruz jakiteko, kontsultatu lege oharra