BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Eguna (22. 1990. Donostia)

Saioa

1990-01-21 Donostia Jaialdia

Bertsolariak / Egileak

Larrañaga, Anjel

Lazkano, Imanol

Lana

Binaka gaia-emanda

Jarritako gaia

Lazkano aita da eta Larrañaga bere semeak aitaren lehenagoko andregaiarekin egon dela esan dio.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1990-01-21 Donostia Jaialdia [Bertsoa] / Anjel Larrañaga, Imanol Lazkano

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Larrañaga
Horra kale aldean
gertatu zaidana,
ez dakit Joxepa zen
edo-ta Juana,
garai batean zure
adiskide izana,
oraindik ere zutaz
oroitutzen dana. (BIS)
Lazkano
Intxaurraren azpiko
muxu bat medio,
konfesatu zuen da
betiko adio,
orain al du neretzat
hainbat amodio?
Don Pedroren sermoiak
ahaztu al zaizkio? (BIS)
Larrañaga
Oraindik kezkati du
bihotz elbarria,
hautsi zendutelako
lehengo uztarria,
eta nabari zaio
zugan egarria,
ama ere ez al dago
zerbait igarria? (BIS)
Lazkano
Orduan egon balitz
lotu desiuan,
aski zun segitzea
nere leziuan,
ez naiz ahaztuko egin
zidan aziuan,
ni utzi ta sartu zan
kongregaziuan. (BIS)
Larrañaga
Nahizta pasatua den
urtietan gora,
oraindikan zertxobait
nahi lukien lora,
zuk maite zazu ama
zahartuta ez txora,
bi andre ez litezke
eduki gustora. (BIS)
Lazkano
Nunbait orain maite nau
eta lehen gorrota,
Mariaren alaba
askoren porrota,
oraindik martxan jarri
nahi badu errota,
Don Pedrok hartuko du
soltero dago-ta. (BIS)