Bertsoak - Fitxa ikusi Atal honi buruz gehiago jakiteko
1989-07-04 Mutiloa (G) Lagun-artekoa [Bertsoa] / Juan Mari Areitio
Bertsoa entzun |
1989-07-04 Mutiloa (G) Lagun-artekoa [Bertsoa] / Juan Mari Areitio
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Bertso batzuek kantatutzeko
gai edarra ta bikaina,
honen barruan zer dan azaltzen
egingo det ahalegina,
mundu eder hau lehen eta orain
izan liteke berdina,
baina ez zaigu gitxi aldatu (BIS)
honen barrua ta gaina.
Mundu hau asko aldatu dala
inork ezin da ukatu,
jakinduriak nere ustetan
egin du hainbat pekatu,
hemen zertxobait egin nahi dunak
badauka zertan nekatu,
berez hain eder egin zutena (BIS)
gizonak dute hondatu.
Mundu triste hau ikusi eta
bihotzik ezin zait jaso,
begiratuta ai zer ederra
mendi, harkaitz ta itsaso,
baina bizitzan zehar badegu
nahiko mixeri ta arazo
politiko ta ministro hoiek (BIS)
konponduko dute akaso.
Datu-base honetan eskainitako informazioari buruz jakiteko, kontsultatu lege oharra