BDB Bertsolaritzaren datu-basea

Informazio orokorra

Kategoria

Bat-batekoa

Saioa

1991-03-23 Irun Lagun-artekoa

Gai-jartzailea

Garzia, Joxerra

Bertsolariak / Egileak

Iztueta, Joxe Miel "Lazkao Txiki"

Lazkano, Imanol

Lana

Binaka gaia-emanda

Jarritako gaia

Lazkano, Pello Zabala izango da, alegia irratiz eguraldia iragartzen duen gizona, Arantzazuko frailea, oso gizon jatorra, baina meteorologoa. Gaur goizean egin du irargarpen bar sekulako zaparradak, mendebaleko haizea, terrala, etabar izango direla, eta Joxe Migelek irratia entzun eta joan da kalera, bere gabardina, berokia, txapela, guardasola eta abarrekin. Donostira etorri eta sekulako eguraldi ona tokatu...

Deskribapena

Doinua

Elizan sartu ziradenian A

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

1991-03-23 Irun Lagun-artekoa [Bertsoa] / Joxe Miel Iztueta "Lazkao Txiki", Imanol Lazkano

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Lazkao-Txiki
Praile zahar hauek nere gogoko
behin´e ez ditut izan nik,
eta gaur ere irratitikan
ez di eman berri onik,
erlijiuan ere hamaika
holako gaude entzunik,
bestei esaten ez zaitez ari
zeuk sinisten ez dezunik.
Lazkano
Barkatu baina lehen eta orain
fraileak beti modako,
eta ahal bada aurrera ere
hola segitu beharko,
baina txikiak hortik jaso du
bizitzan frakasu franko,
lehen´e mutilzahar gelditu zan hau
guri sinistu ziulako.
Lazkao-Txiki
Lehenago ere fraile zalea
behin´e izan ez nintzan da
zer disparate entzuten diran
fraile zahar honek esanda,
ta dirudienez hor Arantzazun
fraile zaharren bat izan da,
horregatikan egin al dezu
guardasolen propaganda?
Lazkano
Atzo arratsez eguraldiaren
berri nik ustez emanik,
ez da itxuraz atera gure
Lazkao-Txikiren planik,
horregatikan zertan gorrota
frailerik eta sotanik?
Haragizkorik ez da munduan
deskuidatutzen ez danik.
Lazkao-Txiki
Orain bitarte zugan egon naiz
sinistamenez betia,
pentsaturikan praileak bada
Jaungoikoaren dotia,
baina aurrera nahi dezuna egin
ene Jaungoiko maitia,
eta zuk asmatu ezin badezu,
isilik egon zaitea.
Lazkano
Lazkao-Txiki beti daukagu
gu zirikatzeko gertu,
baina ez dago gure eskuan,
noiz hasi eta noiz atertu,
nik egindako pronostikoan
ez bazerade kontentu,
ziur jakitea nahi badezu zuk,
biharamonean galdetu.
Lazkao-Txiki
Jeiki orduko goiz denetan
begiratzen det zerua,
ea lainorik ote dan edo
al dan eurien itxura,
baina aurrera ezin sinistu
zuk esaten dezun hura,
makinatxo bat golfo bizi da
Jaungoikoaren kontura.
Lazkano
Aitor nezake egualdi hortan
nahiko argia naizela,
baina badakit deskuidok ere
sarri asko datozela,
batzutan hotza espero eta
igual sortzen da epela,
hego haizeak nahastutzen gaitu
emakumeak bezela.
Lazkao-Txiki
Zure egualdi kontu horrekin
asperturikan naukazu,
irrati bidez goiz da iluntze
hor ari zera jo-ta-su,
gauza bat ona badaukazu zuk
ta horretan zera maisu,
hegohaizea datorrenean
beti igerritzen zaizu.
Lazkano
Normala da ta Lazkao-Txikin
bertsoa beti graziko,
bertso kontuan ni honen aurka
ez naiz inolaz hasiko,
baina badaukat bizibide bat
nere denbora guziko,
kontuak kontu frailea naiz-ta
ni ez naiz gaizki biziko.