Bertsoak - Fitxa ikusi Atal honi buruz gehiago jakiteko
1992-12-13 Getxo Jaialdia [Bertsoa] / Jon Sarasua
Bertsoa entzun |
1992-12-13 Getxo Jaialdia [Bertsoa] / Jon Sarasua
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Emakume bat, potolatxoa,
ta gainera indijena,
ez dugu gaurko prototipoan
oso pertsona zuzena.
Halare batzuk izandu dute
goratzeko ahalmena,
paradoxa da nere iritziz
gaur Nobel sari horrena,
orain munduak goraipatzen du
beti baztertu duena. (BIS)
Premio eta arreta asko
ez al degu jartzen hemen?
Rigoberta zein gendun lehen ere
neretzat zegon nabarmen,
baina gaur egun korbatadunak
ere egiten dio omen,
kontuak kontu andratxo honek
erakusten du ondoen,
gaur eguneko mundu honetan
esperantza nun dagoen. (BIS)
Famili dana hil diote ta
bera bizirik da doi-doi,
ideolojia garbia dauka
bizinahia du arrazoi,
beti aurrera ateratzeko
itxaropen aina sasoi,
bere Herria defenditu du
eta astindu behe ta goi,
bidea zein den erakutsiaz
Europako indijenoi. (BIS)
Datu-base honetan eskainitako informazioari buruz jakiteko, kontsultatu lege oharra