Bertsoak - Fitxa ikusi   Atal honi buruz gehiago jakiteko

1995-01-05 Oñati Jaialdia [Bertsoa] / Unai Iturriaga, Imanol Lazkano

Bertsoa entzun  

Informazio orokorra

Kategoria
Bat-batekoa
Saioa
1995-01-05 Oñati Jaialdia
Gai-jartzailea
Segurola, Nikolas
Bertsolariak / Egileak
Iturriaga, Unai
Lazkano, Imanol
Lana
Binaka gaia-emanda
Jarritako gaia
Hi Lazkano hamaika kukurruku eder jotako oilar gaztea izango haiz. Gaur behera hasita ote hagoen edo, heuk ez duk behintzat etsitzen. Eta hi Unai orain arte oilasko izan eta orain oso goitik kukurruku jotzen hasitako oilar gaztea.

Deskribapena

Doinua
Santa Barbara zure bizitza A
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1995-01-05 Oñati Jaialdia [Bertsoa] / Unai Iturriaga, Imanol Lazkano

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Iturriaga:
Goizean goizik ta egunero
lehen zebilen hau hor kanta,
baina garaiak aurrera eta
dago sasoiak lagata.
Utzi ezazu zure postua,
behingoan dorretik hanka,
zure kantuak kanarioen
pioan antza dauka ta. (bis)

Lazkano:
Oilasko honek uste asko du
bainan erdia ustela,
nere iritziz beste erara
gaur hasiko zan bestela.
Falta zaizkio gandor gorria,
falta zaio espuela,
ta okerrena izateko ere
itxurarik ez duela. (bis)

Iturriaga:
Bere gandorraz hor ibiltzen zan
garai onetan kantatzen,
baina urteak aurrera eta
denborak ez du parkatzen.
Ze puntatara makaldu den hau
jarri zaitezte pentsatzen!
Hirurogeita hamar urteko
amona ere ez du esnatzen. (bis)

Lazkano:
Gabon aurrean egondu nintzan
ni ere bildurrak aidian,
amonak jarri ote nintzakeen
lapikorako bidian.
Erregenata heldu gera ta
oraindik oilo taldian,
gutxienekoz beste urtebete
biezu nere mendian. (bis)

Iturriaga:
Nik honelako agure asko
euki ditut inguruan,
baina nik dudan kantu lakorik
besterik ez da munduan.
Ospa egin zazu, erruki pixkat
egongo da seguruan,
jubilazio pentsioren bat
zabal zazu ikuiluan. (bis)

Lazkano:
Oilar gazteak eskeinitzen dit
nei jubilatzeko zita,
esan diteke neri gauz hori
dedala galerazita.
Zure moduko tonto harroak
asko nago ikusita,
igual kapoitzen bukako dezu
oilar egiten hasita. (bis)

Datu-base honetan eskainitako informazioari buruz jakiteko, kontsultatu lege oharra