Bertsoak - Fitxa ikusi Atal honi buruz gehiago jakiteko
1995-04-30 Legazpi Jaialdia [Bertsoa] / Andoni Egaña, Iñaki Murua, Jon Sarasua
Bertsoa entzun |
1995-04-30 Legazpi Jaialdia [Bertsoa] / Andoni Egaña, Iñaki Murua, Jon Sarasua
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Egaña:
Lehen aipatu det nolakoa den
anormalen komeria,
gizarte hontan beti bakarrak
ezin jarri aurpegia;
askotan mutu bihurtzen gera
hori da hori egia!
Beldurra gauza humanoa da,
hori ez da miseria. (bis)
J.Sarasua:
Bertsolariok ere ditugu
gaur hemen kontatzekoak,
telebista ta jende hoiekin
nahiko disgusto bapoak.
Nahiz ta gureak zuzen ez diran
maila hoietako jokoak,
gure iritzirik ezin du kendu
txantaje politikoak. (bis)
Murua:
Zail da gizarte antolatuan
beldurgabea izaten;
ba al dakizute indar faktiko
hoiek zer indar daukaten?
Pentsatzen ahaztu egin zaigu ta
hola zaila da esaten,
ta oso errez egiten zaigu
bestek emanetik jaten. (bis)
Egaña:
Jainkoak neri ez zidan eman
ausartenaren izara;
neu beldurti naiz, hau beldurti da,
zu ere beldurti zara.
Hori ez da hain penagarria
garbi esango dut, hara:
beldurra neurtzen jakin behar da
gauza guztien gisara. (bis)
J.Sarasua:
Baina beldur naiz ez ote gauden
nahiko beldurrez beteta,
kasualitatez tartean dago
lehen aipatu dan karneta;
beldur txikia eduki nahi det
patrikatxoan gordeta,
esan dezagun nahi dugun dana
bertsolari gara eta! (bis)
Murua:
Bainan bertsotan esandakoa
airera gabe daukate;
gurea isildu ta lehen esanak
botatzeai ekin diote.
Gauz bat pentsatu, bestea esan,
hortan ai gera jo ta ke,
txotxongilotze prozesu horri
beldurra behar genioke. (bis)
Datu-base honetan eskainitako informazioari buruz jakiteko, kontsultatu lege oharra