Bertsoak - Fitxa ikusi   Atal honi buruz gehiago jakiteko

1995-10-14 Tolosa Jaialdia [Bertsoa] / Juan Jose Eizmendi "Loidisaletxe II", Sebastian Lizaso

Bertsoa entzun  

Informazio orokorra

Kategoria
Bat-batekoa
Saioa
1995-10-14 Tolosa Jaialdia
Gai-jartzailea
Gorostidi, Bixente
Bertsolariak / Egileak
Eizmendi, Juan Jose "Loidisaletxe II"
Lizaso, Sebastian
Lana
Binaka gaia-emanda
Jarritako gaia
Hik Sebastian, urte erdi bat egin duk espazioan eta itzultzeko garaia iritsi denean, espaziontzia hondatu zaik. Eginahalak egiten ari haiz lurrekoekin komunikatzeko eta halako batean hire seinalea Loidisaletxeren telefonoan sartu duk. Oraintxe hartu dik telefonoa.

Deskribapena

Doinua
Nere gogoa hegan dijoa
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

1995-10-14 Tolosa Jaialdia [Bertsoa] / Juan Jose Eizmendi "Loidisaletxe II", Sebastian Lizaso

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

S.Lizaso:
Sei hilabete inguru hontan
ni espazioan nago,
kontaktu denak galdu nituen,
pentsatu nuen akabo,
aizu, laguntza eskatzen dizut
laguntzerikan balego,
aireratzea zaila izan zan,
lurreratzea zailago.

Loidisaletxe:
Ez det pentsatzen momentu hontan
trantze onean zaudenik,
oraintxen dala sei hilabete
mundu hontatik ertenik,
lagundutzerik nahi ez dedanik
zurekiko ez uste nik,
baina ez daukat eskailerarik
horraino iristen denik.

S.Lizaso:
Eskailerakin ez zaitez presta
sagar biltzeko antzera,
ta baserriko ohitura hoiek
utzi itzazu atzera,
"Nasa" aldera deitu ezazu
albistea kontatzera,
eta ni sano iristen banaiz
famoso egingo zera.

Loidisaletxe:
Aizu laguna hoi izan leike
biontzako egokia,
eta ni ere oso famoso
egiteko aitzakia,
ahal dan neurrian lagundutzea
orain det erabakia,
baina mesedez eman zaidazu
"Nasa" horren zenbakia.

S.Lizaso:
Telefonikan galde ezazu,
egin zaidazu mesede,
eta handikan deitzen badute
moldatuko naiz dotore,
orain artean ibili arren
astronauta baten pare,
lurreratzean ez naiz sartuko
asensore baten ere.

Loidisaletxe:
Zu alde hontan ez ikustea
mesede litzake agian,
eta zergatik sartu zinan zu
horrelako lantegian,
ehundaka kilo dituena ezin
ibili leike aidian,
danantzat igual hobe da eta
gera zaitez ilargian.

Lizaso:
Espaziora abitu nintzan
noski neuretzat kaltera,
sei hilabetez ez naiz iritsi
lurreko pare jatera,
eta baskulan jarritakoan
orratza ere gainbehera,
erortzeko lain pisu ez daukat
hortik kontuak atera.

Loidisaletxe:
Nik banekian mundu honetan
asperturikan zinela,
ta zer erabaki hartu zendun
antzemana nizun bela,
usteko zendun aingeru gisa
hor ibiliko zirela,
ez al dakizu hil aurretikan
zeruan sartzeik ez dela?

Datu-base honetan eskainitako informazioari buruz jakiteko, kontsultatu lege oharra