Bertsoak - Fitxa ikusi Atal honi buruz gehiago jakiteko
1965-01-01 Donostia Txapelketa [Bertsoa] / Migel Arozamena, Jon Mugartegi
1965-01-01 Donostia Txapelketa [Bertsoa] / Migel Arozamena, Jon Mugartegi
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Mugartegi:
Gaur Donostira etorria naiz
partidu bat jokatzera,
urte berrian zorion bat nik
eraman nai nun etxera,
nunbait etzaigun komeniko ta
erori gera galtzera,
bañan, laguna, nitzaz jokatzen
zu zertan etorri zera?
Arozamena:
Nik e gogua lendik baneukan
onera iritxitzeko,
pelotan zer mouz jokatzen zendun
begiez ikusitzeko,
gezurrikan etzazu esan
orain iñor engañatutzeko,
kanpun zeorrek esan zeniran
zure alde jokatzeko.
Mugartegi:
Pelotariak partidurako
bagendun gogo naikoa,
da lagun bati au esatia
ez degu arritzekoa,
zu izan zera jokalari bat
guztien jokatzekoa,
nere errukiz nik ez det galdu,
kontra neukan Jaungoikoa.
Arozamena:
Nik pentsatzen det lan egiteko
etzendula gogorikan,
ikusi zaitut bi-iru aldiz
gerrik ezin makurturikan,
bote ederra egiten ziyon,
etzun egin nai korrikan,
nere diruak onentzat dira
partidua galdurikan.
Mugartegi:
Lagunen kontra itzegiteko
zu etzaude atsegiña,
siñestu zazu joko-legea
ez dala izaten berdiña,
nik izango det neure erruaz
gaurko ontan utsegiña,
zuk etzenduan ezer galduko
etxian egon baziña.
Arozamena:
Enun pentsatzen ni gaur ununtza
zuregana etortzerik,
eta enitzan etorriko´r´ez
bazendun jarri biderik,
ez det pentsatzen nik zure alde
geio iñun jokatzerik,
pelotariyak ez dute ematen
disgusto txarra besterik.
Datu-base honetan eskainitako informazioari buruz jakiteko, kontsultatu lege oharra