BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (11. 1993)

Saioa

1993-11-01 Gernika-Lumo Txapelketa

Gai-emailea

Mandaluniz, Bernardo

Bertsolariak / Egileak

Enbeita, Jon

Respaldiza, Juanjo

Lana

Binaka gaia-emanda

Jarritako gaia

Enbeita, aita; eta Respaldiza, semea. Biok lantegi berean egiten duzue lana eta orain arte beti oinez joan izan zarete lanera. Gaur, Respaldiza semeak, zilindrada haundiko moto berri bat erosi duenez, aitari, motoan joateko gonbitea luzatu dio.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1993-11-01 Gernika-Lumo Txapelketa [Bertsoa] / Jon Enbeita, Juanjo Respaldiza

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

J.Enbeita:
Lana egin genuen
hobetu gaitezen.
Horra moto berri bat,
zarataz zein ozen!
Zeuk nahi bezala, seme,
abia gaitezen;
baina, arren, bidean
joan zaite zuzen! (bis)

Respaldiza:
Semea harro dago
ta aita umildu;
hemen dagoenari
behar zaio heldu.
Ez zintuzket bidean
horrela nahi galdu:
radioekin kontuz
ta hankak zabaldu! (bis)

Enbeita:
Zeuk bai duzu barrena,
semea, zabaldu;
baina, arren, ez zaite
nerbiotan saldu!
Holakotan hobe da
piska bat apaldu,
ez motorra erosi
ta burua galdu.(bis)

Respaldiza:
Minberatu egin da
ta dago arraro;
semea gelditu da
askozaz gehiago.
Bere harrotasunak
horrela akabo;
zuk kotxea erosi
behar zendun lehenago.(bis)

Enbeita:
Seme, eman didazu
nahiko atsekabe;
zure aitari hoba
hitzegin suabe.
Lehenago egin banintz
kotxearen jabe,
zu geldituko zinan
motorikan gabe.(bis)

Respaldiza:
Bera berean dago
ekin eta ekin;
guzurra esan du ta
nik onartu ezin.
Aita, lehenbailehen hauxe
behar duzu jakin:
hau erosita dago
neure diruakin.(bis)