Bertsoak - Fitxa ikusi Atal honi buruz gehiago jakiteko
1993-12-19 Donostia Txapelketa 17:00 [Bertsoa] / Unai Iturriaga, Anjel Mari Peñagarikano
Bertsoa entzun |
1993-12-19 Donostia Txapelketa 17:00 [Bertsoa] / Unai Iturriaga, Anjel Mari Peñagarikano
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Peñagarikano:
Aitona ikusi det
nola edo hala,
lehen'e petrala zan da
oraindik petrala.
"Mountain bike" gainean,
hau ez da normala!
Aitona, uste al dezu
Indurain zerala?
U. Iturriaga:
Ez dut hori pentsatzen,
ez, iloba tonto!
Motor itxurako hau
nik ez dut gogoko;
zetako hainbeste pinoi
ta hainbeste plato?
Bakoitzetik batekin
ez al dezu nahiko? (bis)
Peñagarikano:
A zer farregarritza
bizikletarekin!
Aitona hortxe dabil
ekin eta ekin.
Aitona, nola zauden
nahi al dezu jakin?
Beti anis edaten da
"falta de riego"kin. (bis)
U. Iturriaga:
Nire ilobarekin
ez nago hain trankil,
trasto arraro hauek
beti dauzka hurbil;
prezioa ere oraindik:
"cientocincuentamil";
hainbeste ordaintzeko,
bakarrik al dabil? (bis)
Peñagarikano:
Aitona, ez zera, ez,
traste hoien laguna;
ederra ez da izango
gaur zure jarduna.
Pintxazoa daukala
da esan didazuna;
pintxazoa bai dala
zuk dadukazuna. (bis)
U. Iturriaga:
Aitonai begirune
eta errespeto,
kontuan har ezazu
zerbait esateko.
Hain tontoa ez zarela
daukat onartzeko;
kubierta onak dauzka
sorora joateko. (bis)
Peñagarikano:
Bizikleta hartuta
etxetik kanpora;
zuretzat ere joan da
munduko denbora;
zelaian ezin dezu
ta gutxigo, gora;
benga aitona, joan zaite
amonan ondora! (bis)
U. Iturriaga:
Zuk amona aipatu
eta berehala,
haze oroitzapenak
pentsatu ahala!
Benga!, utzi bizikleta
ta izan formala,
amonak ikus nazan
gaztetan bezala. (bis)
Datu-base honetan eskainitako informazioari buruz jakiteko, kontsultatu lege oharra